Метро Экспресс ХХК

Манай компани 2001 онд гадаадын хөрөнгө оруулалтаар байгуулагдсан. Дэлхийн зах зээлд тэргүүлэгчид болох Америкийн Alliance Laundry Systems компани, Италийн Grandimpianti, Ilsa, Германы Henkel, Bussetti фирмийн Монгол дахь албан ёсны дистрибьютер юм. Бид угаалгын нунтаг, толбо арилгагч болон цэвэрлэгээний бодисуудыг Германы Henkel, Bussetti фирмээс шууд нийлүүлэн Улаанбаатар хотын томоохон зочид буудал, уул уурхай, авто засварын газрууд, эмнэлэгүүд болон олон нийтийн vйлчилгээний газруудад төвөөсөө шууд нийлүүлдэг. Иргэд болон байгууллагуудад угаалга, хуурай хими цэвэрлэгээний иж бүрдэл үйлчилгээ үзүүлдэг мэргэжлийн байгууллага юм. Бид:

Нийслэл хотноо нийтдээ 43 хими цэвэрэлгээ угаалгын газар цэг ажиллаж, орчин цагийн хүмүүсийн ариун цэвэр, эрүүл ахуйн хэрэгцээг хангасан үйлчилгээ явуулж байна.
Хими цэвэрлэгээний аргыг анх зохион бүтээж нэвтрүүлсэн Итали орны ILSA маркийн өндөр чанартай тоног төхөөрөмжөөр Монгол улсын MNS 5353-2004 стандартын шаардлагыг бүрэн хангасан, үслэг эдлэл, торгон дээл, нэхий, савхин хувцасыг гэмтэлгүйгээр цэвэрлэж үйлчилдэг.
Монголын хэрэглэгчдэд зориулан Германы стандартад нийцсэн төрөл бүрийн оригинал угаалгын нунтагыг зөвхөн өөрийн цэгүүдээр дамжуулан борлуулдаг. Үүнд: бактерийг 99% хувь устгадаг Persil нунтаг, ноос ноолуурыг агшиж сунахаас сэргийлдэг Perwoll шингэн, өөх тос, цусны толбо зэргийг 100% арилгах чадвартай тусгай нэмэлт бодисууд зэрэг ордог.
Alliance Laundry Systems компаний Speed Queen угаалгын машин тоног төхөөрөмжүүдийг нийлүүлдэг. Эдгээр машинууд салбарынхаа хамгийн орчин үеийн технологийг зүй ёсоор төлөөлж, ус цахилгааныг дээд зэргийн хэмнэлттэй зарцуулдаг, өдөрт 24 цагаар тасралтгүй ажиллах боломжтой, “устгалын” гэх тусгай шалгуураар (“Destruction test”) баталгаажсан, мэс засалд зориулагдсан маш чанартай 304 маркийн гангаар хийгдсэн, олон жилийн ашиглалтын баталгаатай учраас эдийн засгийн өндөр үр ашигтай байдаг.
өөрийн борлуулж байгаа тоног төхөөрөмжинд 3 жилийн баталгаа өгч (эхний жилд сэлбэг болон засварын үйлчилгээ нь үнэгүй байдаг), инженер техникийн ажилтнуудаар суурилуулна.

Бидний үйлчлүүлэгчдийн тоонд МИАТ, АПУ, Төмөр замын суудлын вагон депо, ТЗААҮЭГ Улаанбаатар, Баянгол, Эдельвайс, Женекс, Пума Империал, Хаан Палас, Палас, Чингэс зочид буудлууд, Найрамдал зуслан, Клиникийн нэгдvгээр амаржих газар, Халдварт eвчин судлалын үндэсний төв, Цэргийн Төв Госпиталь, өндөр настангуудын халамжийн төвүүд,Тоёота Хэт сервис, Айванхоу Майнз, Бороо Гоулд зэрэг 60 гаруй томоохон үйлчилгээний байгууллагууд болон хувийн компаниуд бий бөгөөд эдгээр газруудын үйлчилгээний их ачаалыг дааж чанартай угаалга хийхэд их үүрэг гүйцэтгэж байгаа билээ.